Teitur Debess Olsen komin heim aftur á Argir
Teitur Debess Olsen er nú afturkomin til barndómsfelag sítt, AB.
Teitur er 23 ára gamal og uppvaksin á Argjum. Seinastu árini hjá AB spældi hann við U21 og á besta liðnum.
Í 2019 og 2020 hevur Teitur tó spælt við EB Streym og fingið sær royndir á besta liðnum har. Nú hevur hann so avgjørt at koma aftur til AB, og tað eru vit sera glað fyri.
Vælkomin aftur, og bestu ynskir um eitt gott kappingarár.
- Detaljer
- Skrevet af Kristian Dahl
Teitur Jóannesarson aftur á Argjum
Teitur Jóannesarson er nú aftur á Argjum, eftir at hann hevur verið hjá FC Hoyvík seinastu árini.
Teitur kom á besta liðið hjá AB í 2008, og hann spældi við AB í tilsamans 9 ár.
Í 2016 og eisini seinastu 3 árini hevur hann spælt við hoyvíkingum, men nú tekur hann so eitt tørn afturat hjá okkum.
Teitur fyllir 32 ár í hesum mánaðinum, so hann er ein royndur leikari, ið uttan iva verður ein góður stuðul og fyrimynd hjá yngru leikarunum hjá AB.
Vit ynskja Teituri vælkomnum aftur og bestu eydnu í kappingarárinum.
- Detaljer
- Skrevet af Kristian Dahl
Dreingir U13 FUTSAL meistarar
Ovara myndin er ár 2020 og niðara myndin er ár 2021.
Hesir U13 dreingir hava luttikið í tveimum Futsal kappingum 2020 og 2021, sum FSF hevur fyriskipað.
Tann fyrsta var tann 13 desember 2020 á Kambsdali, har teir struku avstað við gullinum við 7 sigrum.
Hin kappingin blev spæld 28. februar 2021, har teir ruddaði alla mótstøðu av vøllinum, við 7 sigrum og einum málmuni á 18-1.
Hesir somu dreingir vunnu eisini gull (2017-18) sum 10 ára gamlir og silvur (2018-19) sum 11 ára gamlir (í 2018), og endaðu sum bestu yngri í 2019-20.
Leikararnir eru: Regin Dam, Ørvur Isfeldt, Robert undir Leitinum, Jónas Nicolajson Gleðisheygg, Silas Rasmussen, Bárður Enni Danielsen, Ísakur Olafsson, Aksel Petersen og Dion Hvíthamar.
Venjarar Jan Danielsen, Pætur Vase og Odd Dam.
- Detaljer
- Skrevet af Odd Dam
11 venjarar hjá AB fingið B2 prógv
AB leggur stóran dent á at hava væl útbúnar venjarar í øllum deildunum, bæði hjá yngru og hjá eldru liðunum.
Í januar/februar hava 11 venjarar hjá AB verið á B2 venjaraskeið hjá FSF. Tey fingu øll prógv handaði farna vikuskifti.
Tað er sera gleðiligt, at venjararnir hjá AB eru so ágrýtnir og áhugaðir at nema sær útbúgving sum venjarar. Tað ger teir enn betri førar fyri at fremja dygdargóðar venjingar, og hetta sæst uttan iva aftur í menningini av leikarunum.
Á myndini eru venjararnir, sum fingu B2 prógv. Vit ynskja tykkum tillukku og takka fyri, at tit vilja leggja so nógva orku í at skapa góðar karmar fyri øll tey, yngri sum eldri, ið ynskja at spæla fótbólt á Argjum.
- Detaljer
- Skrevet af Kristian Dahl
Argja Bóltfelag havt aðalfund
Argja Bóltfelag hevði ársaðalfund mikukvøldið 3. februar 2021. Uppmøtingin var góð, útvið hálvthundrað fólk vóru á aðalfundi. Formaðurin Marius Thomassen legði fram ársfrágreiðing og Dánjal Jákup Hansen, kassameistari, legði fram roknskapin. Formansfrágreiðingin var sera positiv, og roknskapurin sá gott út við einum hampiliga stórum avlopi á rakstrinum.
Staðfestast kundi á aðalfundinum, at framgongdin í felagnum heldur fram, og at vónirnar eru góðar fyri komandi tíðina hjá felagnum.
Nevndarval var eisini á skránni. Fyri vali til starvsnevndina hesaferð stóðu Anja Rasmussen og Kristian Martin Skála. Hvørgin teirra ynskti at taka við afturvali, og Marius Thomassen takkaði teimum fyri tíðina, tey høvdu verið í nevndini hjá AB. Í teirra stað í starvsnevndini blivu vald Mona Breckmann Wescott og Jens Petur Andreasen.
Sum tiltakslimir í nevndini blivu vald Sunneva M. Jensen og Remi Olsen.
Samanumtikið ein góður aðalfundur, við góðari uppmøting og spurnarhugaðum fundarfólkum. Vit síggja fram til enn eitt spennandi og mennadi ár í Argja Bóltfelag.
-
Nevndin skipaði seg aftaná aðalfundin, og er nevndin í Argja Bóltfelag nú henda:
Marius Thomassen, formaður
Durita Sloan Dal-Christiansen, næstforkvinna
Mona Breckmann Wescott, skrivari
Dánjal Jákup Hansen, kassameistari
Jens Petur Andreasen, nevndarlimur
Sunneva M. Jensen, tiltakslimur
Remi Olsen, tiltakslimur
(Á myndini eru fremst frá vinstru: Mona Breckmann Wescott, Jens Petur Andreasen, Durita Sloan Dal-Christiansen. Aftast frá vinstru: Marius Thomassen, Sunneva M. Jensen, Dánjal Jákup Hansen og Remi Olsen).
- Detaljer
- Skrevet af Kristian Dahl
Side 1 ud af 28